മലപ്പുറത്ത് ദേശീയ പാത വികസനത്തിന്‍റെ ഭാഗമായി മുറിച്ച മരത്തിലെ പക്ഷികള്‍ ചത്ത സംഭവത്തില്‍ കരാറുകാര്‍ക്കെതിരെ കേസെടുക്കാന്‍ തീരുമാനം. വന്യ ജീവി സംരക്ഷണ നിയമ പ്രകാരം വനം വകുപ്പാണ് കരാറുകാര്‍ക്കെതിരെ കേസ് എടുക്കുന്നത്.
ഷെഡ്യൂള്‍ നാലില്‍ ഉള്‍പെട്ട അമ്പതിലേറെ നീര്‍ക്കാക്ക കുഞ്ഞുങ്ങളുടെ ജീവന്‍ മരം മുറിച്ചതിലൂടെ നഷ്ടമായെന്നാണ് പ്രാഥമിക നിഗമനം.
മരത്തില്‍ കൂടുകൂട്ടിയിരുന്ന പക്ഷികളുടെ മുട്ട വിരിഞ്ഞ ശേഷവും അവയ്ക്ക് പറക്കാനായതിനും ശേഷവും മാത്രമേ മരം മുറിക്കാവൂ എന്ന നിര്‍ദ്ദേശം കരാറുകാരന്‍ ലംഘിച്ചെന്ന് വനം വകുപ്പ് പറയുന്നു.പ്രദേശവാസികളില്‍ നിന്നും മൊഴിയെടുക്കാനാണ് വനം വകുപ്പിന്റെ തീരുമാനം.