ഓണം സ്പെഷ്യൽ ഡ്രൈവിനോടനുബന്ധിച്ച് പാലക്കാട് എക്സൈസ് സ്പെഷ്യൽ സ്ക്വാഡും, പാലക്കാട് ഐബി ടീമും അട്ടപ്പാടി ഫോറെസ്റ്റ് റേഞ്ച് ഉദ്യോഗസ്ഥരും നടത്തിയ റെയ്ഡിൽ 341 കഞ്ചാവ് ചെടികൾ കണ്ടെത്തി നശിപ്പിച്ചു. അട്ടപ്പാടി, കുരുക്കത്തികല്ല് ഊരിന് സമീപത്തുള്ള നായ്മേട്ടു മല വനത്തിൽ നിന്നാണ് കഞ്ചാവ് തോട്ടം കണ്ടെത്തിയത്. ചെടികൾക് 15 ദിവസം മുതൽ ഒന്നര മാസം വരെ വളർച്ച എത്തിയ 170 സെന്റീമീറ്ററോളം ഉയരമുണ്ടായിരുന്ന കഞ്ചാവ് ചെടികളാണ് നശിപ്പിച്ചത്.
എക്സൈസ് ഇൻസ്പെക്ടർ കെ ആർ അജിത്, റെയിഞ്ച് ഓഫീസർ സി സുമേഷ്, പ്രിവൻ്റീവ് ഓഫീസർമാരായ ടീ പി മണികണ്ഠൻ, എ കെ സുമേഷ്, ആർ എസ് സുരേഷ്, സിവിൽ ഓഫീസർമാരായ ജി വിജേഷ് കുമാർ, ബെൻസൺ ജോർജ്, കെ എ ഷാബു, പി പ്രശാന്ത്, കെ സുമേഷ്, വനിതാ സിവിൽ ഓഫിസർ എം നിമ്മി, ബീറ്റ്ഫോറസ്റ്റ് ഓഫീസർ ജിഷ്ണു, ഫോറസ്റ്റ് വാച്ചർമാരായ മാരിയപ്പൻ എക്സൈസ് ഡ്രൈവർ പ്രദീപ് എന്നിവർ റെയ്ഡിൽ പങ്കെടുത്തു.