ഇന്ത്യ 500 സ്റ്റാർട്ട് അപ്പ് അവാർഡിന് മാഹി മെഡിക്കൽ ആൻഡ് ഡയഗ്നോസ്റ്റിക് സെന്ററിനെ തിരഞ്ഞെടുത്തതായി ഇന്ത്യ 500 സ്റ്റാർട്ട് അപ്പ് അവാർഡ് കമ്മിറ്റി അറിയിച്ചു.
ഇന്ത്യയിൽ പുതുതായി തുടങ്ങിയ വികസ്വര സ്ഥാപനങ്ങളിൽ മികച്ച പ്രവർത്തനം കാഴ്ചവെക്കുന്നവർക്ക് ദേശീയതലത്തിൽ അംഗീകാരം നൽകാനാണ് ഇന്ത്യ 500 സ്റ്റാർട്ട് അപ്പ് വിഭാഗം തുടങ്ങിയത്.
ഡിസംബറിൽ മുംബൈയിൽ അവാർഡ് സമ്മാനിക്കും.
70 കഴിഞ്ഞ മാഹിമേഖലയിലെ മുതിർന്ന പൗരന്മാർക്ക് എം. എം. സിയിൽ റസിഡന്റ് ഡോക്ടറുടെ സൗജന്യ പരിശോധന ഏർപ്പെടുത്തിയിട്ടുണ്ട്. അവർക്ക് ലാബ് പരിശോധനയിലും മരുന്നുകൾക്കും നിരക്കിളവ് ഉണ്ടായിരിക്കുമെന്നും എം. എം. സി. ചെയർമാൻ മൻസൂർ പള്ളൂർ അറിയിച്ചു. പത്രസമ്മേളനത്തിൽ എം. എം. സി. ചീഫ് മെഡിക്കൽ ഓഫീസർ ഡോ. നഫീസ, അഡ്മിനിസ്ട്രേറ്റീവ് ഓഫീസർ സോമൻ പന്തക്കൽ, ഓപ്പറേഷൻ മാനേജർ മുനീർ എന്നിവരും പങ്കെടുത്തു.