ചായയില്ലെന്ന് പറഞ്ഞു, ഹോട്ടൽ ജീവനക്കാരനെ ക്രൂരമായി മർദിച്ച് യുവാക്കൾ; ആക്രമിച്ചത് 2 ബൈക്കുകളിലെത്തിയ 5അം​ഗസംഘം

ചെന്നൈ: ചായയില്ലെന്ന് പറഞ്ഞതിന് ഹോട്ടൽ ജീവനക്കാരനെ പൊതിരെ തല്ലി യുവാക്കൾ. തമിഴ്നാട് തിരുപ്പൂരിൽ കഴിഞ്ഞ ദിവസമാണ് സംഭവം. ഹോട്ടൽ അടയ്ക്കാൻ തുടങ്ങുമ്പോഴാണ് രണ്ട് ബൈക്കുകളിലായി 5 പേർ എത്തിയത്. ചായ വേണമെന്ന് ആവശ്യപ്പെട്ട സംഘം ജീവനക്കാരോട് തട്ടിക്കയറുകയും മർദ്ദിക്കുകയുമായിരുന്നു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. അന്വേഷണം തുടങ്ങിയെന്നും പ്രതികളെ കുറിച്ച് സൂചന കിട്ടിയെന്നും തിരുപ്പൂർ പൊലീസ് പറഞ്ഞു.