കൈ കാണിച്ചെങ്കിലും നിർത്തിയില്ല; കാറിനെ പിന്തുടർന്ന് പൊലീസ്, കാലടിയിൽ എംഡിഎംഎയുമായി യുവാവ് പിടിയിൽ

കൊച്ചി: മുന്നൂറ് ഗ്രാം എംഡിഎംഎയുമായി യുവാവ് കാലടിയിൽ പിടിയിൽ. പോത്താനിക്കാട് സ്വദേശി അഭിരാജാണ് പിടിയിലായത്. ബംഗളൂരുവിൽ നിന്ന് കാറിലാണ് ഇരുപത് ലക്ഷം രൂപ വില വരുന്ന ലഹരിമരുന്ന് കടത്തിയത്. കൈ കാണിച്ചെങ്കിലും നിർത്താതെ പോയ കാറിനെ പൊലീസ് പിന്തുടരുകയായിരുന്നു. പിന്നാലെ വാഹനം ഉപേക്ഷിച്ച് ഇറങ്ങി ഓടിയ പ്രതിയെ സാഹസികമായാണ് പൊലീസ് പിടികൂടിയത്. കഴിഞ്ഞ വ‍ർഷം 20 കിലോ കഞ്ചാവ് പിടികൂടിയ കേസിൽ പ്രതിയായിട്ടുണ്ട് അഭിരാജ്.