“തീർച്ചയായും മയക്കുമരുന്ന് നിറച്ച ബാഗ് അല്ല” എന്നെഴുതിയ ബാഗ് പരിശോധിച്ച അമേരിക്കൻ പോലീസ് കണ്ടെത്തിയത് മയക്കുമരുന്നിന്റെയും അനധികൃത വസ്തുക്കളുടെയും വൻ ശേഖരം. മോഷ്ടിക്കപ്പെട്ടതായി സംശയിക്കുന്ന കാറിനുള്ളിൽ പോലീസ് നടത്തിയ പരിശോധനയിലാണ് ബാഗ് കണ്ടെത്തിയത്. ‘തീർച്ചയായും മയക്കുമരുന്ന് നിറച്ച ബാഗ് അല്ല’ എന്നെഴുതിയ ലേബല് ഒട്ടിച്ച് ബാഗ് പരിശോധിചപ്പോള് അതിനുള്ളിൽ മയക്കുമരുന്നുകളുടെ വൻ ശേഖരം. കാറിനുള്ളിൽ ഉണ്ടായിരുന്ന ഡ്രൈവറെയും യാത്രക്കാരനെയും പോലീസ് പിടികൂടി. ഒറിഗോണിലെ പോർട്ട്ലാൻഡിൽ പോലീസ് നടത്തിയ പരിശോധനയിലാണ് കാറും അനധികൃത വസ്തുക്കൾ നിറച്ച ബാഗും കണ്ടെത്തിയത്.
പോർട്ട്ലാൻഡ് പോലീസ് പിടികൂടിയ മയക്കുമരുന്ന്, പണം, വെടിയുണ്ടകൾ നിറച്ച തോക്ക് എന്നിവയുടെ വിശദമായ വിവരങ്ങളും ചിത്രങ്ങളും എക്സ് പോസ്റ്റിലൂടെ പങ്കുവെച്ചു. “തീർച്ചയായും ഇത് മയക്കുമരുന്ന് നിറച്ച ബാഗല്ല” എന്നെഴുതിയ ഒരു ബാഗിനുള്ളിലായിരുന്നു അനധികൃത വസ്തുക്കളും മയക്ക് മരുന്നുകളും സൂക്ഷിച്ചിരുന്നതെന്ന് പോലീസ് അറിയിച്ചു. ചെറിയ സഞ്ചിയിൽ നിന്ന് 79 ഫെന്റനൈൽ ഗുളികകളും മൂന്ന് വ്യാജ ഓക്സികോഡോൺ ഗുളികകളും 230 ഗ്രാം മെതാംഫെറ്റാമൈനും പോലീസ് കണ്ടെത്തി. കൂടാതെ ലോഡ് ചെയ്ത ഒരു തോക്കും പണവും കണ്ടെത്തിയതായും പോർട്ട്ലാൻഡ് പോലീസ് പബ്ലിക് ഇൻഫർമേഷൻ ഓഫീസർ സെർജന്റ് കെവിൻ അലൻ വ്യക്തമാക്കിയതായാണ് ദ ഗാർഡിയൻ റിപ്പോർട്ട് ചെയ്തു.