കേളകം സെന്റ് തോമസ് ഹൈസ്കൂളിൽ ലോക വയോജനദിനാചരണവും ഗാന്ധി ജയന്തി ദിനാഘോഷവും സംഘടിപ്പിച്ചു.

കേളകം: ലോക വയോജന ദിനവും ഗാന്ധിജയന്തി ദിനാഘോഷവും കേളകം സെന്റ് തോമസ് ഹയർ സെക്കൻഡറി സ്കൂളിൽ വിവിധ പരിപാടികളോടെ സംഘടിപ്പിച്ചു. ഹെഡ്മാസ്റ്റർ എം വി മാത്യു അധ്യക്ഷത വഹിച്ചു. മെറിൻ ഡാനിയേൽ വയോജനദിന സന്ദേശം നൽകി. ജോൺ കെ ജേക്കബ് ആശംസകൾ അർപ്പിച്ച് സംസാരിച്ചു. കുട്ടികൾ വയോജനദിന പ്രതിജ്ഞ എടുത്തു. വിദ്യാർത്ഥികളായ സോയാ രാജു, ബ്ളസ്സി സാബു, ദൃശ്യാരാജ്, അയോണ അന്ന ഷൈജു എന്നിവർ വിവിധ പരിപാടികൾ അവതരിപ്പിച്ചു. ഹന്നാ ഷാജി സ്വാഗതവും ശിവന്യ വിനോദ് നന്ദിയും പറഞ്ഞു. ഗാന്ധി ദിനാഘോഷത്തിന്റെ ഭാഗമായി ക്വിസ്സ് മത്സരവും ചിത്രരചന മത്സരവും സംഘടിപ്പിച്ചു. തുടർന്ന്, കുട്ടികള്‍ സ്കൂളും പരിസരവും സ്കൂളിലേക്കുള്ള വഴികളും അധ്യാപകരുടെയും പിടിഎയുടെയും നേതൃത്വത്തിൽ വൃത്തിയാക്കി.