പേരാമ്പ്ര, കൂത്താളി, ചങ്ങരോത്ത് പഞ്ചായത്തുകളില് ഇതുമായി ബന്ധപ്പെട്ട പ്രവര്ത്തനം നടന്നു. ചങ്ങരോത്ത് പഞ്ചായത്തിലെ വടക്കുമ്പാട് ഹയര്സെക്കന്ററി സ്കൂളിലെ നിരവധി വിദ്യാര്ത്ഥികള്ക്ക് രോഗം സ്ഥിരീകരിച്ച സാഹചര്യത്തില് സ്കൂള് പരിസരത്തെ പത്തോളം കുടിവെള്ള സ്രോതസ്സുകളില് നിന്ന് സാംപിളുകള് ശേഖരിച്ച് കോഴിക്കോട് സിഡബ്ല്യുആര്ഡിഎമ്മിലേക്ക് അയച്ചതായി ചങ്ങരോത്ത് പഞ്ചായത്തിലെ ആരോഗ്യവകുപ്പ് ഉദ്യോഗസ്ഥ പ്രമീള അറിയിച്ചു.
സമീപ പഞ്ചായത്തുകളിലെ ഹെല്ത്ത് ഇന്സ്പെക്ടര്മാര്, ജെഎച്ച്ഐമാര്, ജെപിഎച്ച്എന് ഉദ്യോഗസ്ഥര്, ആശാ പ്രവര്ത്തകര്, ജനപ്രതിനിധികള് തുടങ്ങിയവര് ഉള്പ്പെട്ട 64 സ്ക്വാഡാണ് സര്വേക്കായി ഇറങ്ങിയത്. 1860 ഓളം വീടുകളില് ഉദ്യോഗസ്ഥര് എത്തി. രോഗം പിടിപെട്ടവരില് നിരവധി പേര് വടക്കുമ്പാട് സ്കൂളിലെ വിദ്യാര്ത്ഥികള് ആണെന്നതിനാല് ഇന്ന് പ്രത്യേക പിടിഎ യോഗം ചേര്ന്നിരുന്നു.