ഹിസ്‌ബുല്ല റദ്‌വാൻ യൂണിറ്റ് തലവൻ ഇബ്രാഹിം അഖിൽ വ്യോമാക്രമണത്തിൽ കൊല്ലപ്പെട്ടു

ലെബനനിൽ ഇസ്രയേൽ വ്യോമസേന നടത്തിയ ആക്രമണത്തിൽ ഹിസ്ബുല്ല കമ്മാൻഡ‍ർ കൊല്ലപ്പെട്ടതായി റിപ്പോർട്ട്. ബെയ്റൂട്ടിൽ നടത്തിയ ആക്രമണത്തിലാണ് സംഭവം. ഹിസ്ബുല്ലയുടെ റദ്‌വാൻ യൂണിറ്റ് തലവൻ ഇബ്രാഹിം അഖിലാണ് കൊല്ലപ്പെട്ടതെന്നാണ് വിവരം. ആക്രമണത്തിൽ മൂന്ന് പേർ കൊല്ലപ്പെട്ടെന്നും 17 പേർക്ക് പരിക്കേറ്റെന്നും ആരോഗ്യ മന്ത്രാലയം അറിയിച്ചു. ഹിസ്ബുല്ലയുടെ സൈനിക ഓപ്പറേഷനുകളുടെ തലവനാണ് അഖിൽ എന്നും ഇദ്ദേഹത്തിന്റെ നേതൃത്വത്തിലാണ് വടക്കൻ ഇസ്രായേലിനെ ആക്രമിക്കുന്നതെന്നും ഇസ്രായേൽ ആരോപിച്ചു. ഹിസ്ബുല്ല തലവൻ ഹസ്സൻ നസ്റുല്ലയുമായി അടുത്ത ബന്ധമുള്ളയാളാണ് കൊല്ലപ്പെട്ട ഇബ്രാഹിം അഖിൽ