അഫ്ഗാന്‍ അവസാനം കലമുടയ്ക്കുമോ? ബംഗ്ലാദേശിനെതിരെ നിര്‍ണായക പോരില്‍ പതിഞ്ഞ തുടക്കം! തക്കം പാത്ത് ഓസീസും

സെന്റ് വിന്‍സെന്റ്: ടി20 ലോകകപ്പ് സൂപ്പര്‍ എട്ടില്‍ ബംഗ്ലാദേശിനെതിരായ നിര്‍ണായ പോരില്‍ അഫ്ഗാനിസ്ഥാന് പതിഞ്ഞ തുടക്കം. സൂപ്പര്‍ എട്ട് ഗ്രൂപ്പ് ഒന്നിലെ അവസാന പോരില്‍ ടോസ് നേടി ബാറ്റിംഗ് തിരഞ്ഞെടുത്ത അഫ്ഗാന്‍ ഒടുവില്‍ വിവരം ലഭിക്കുമ്പോള്‍ 10 ഓവറില്‍ വിക്കറ്റ് നഷ്ടപ്പെടാതെ 58 എന്ന നിലയിലാണ്. റഹ്മാനുള്ള ഗുര്‍ബാസ് (27), ഇബ്രാഹിം സദ്രാന്‍ (18) എന്നിവരാണ് ക്രീസില്‍. ഇന്ന് ജയിച്ചാല്‍ അഫ്ഗാന് സെമിയില്‍ കടക്കാം. മത്സരം പൂര്‍ത്തിയാക്കാന്‍ സാധിക്കാതെ ഉപേക്ഷിച്ചാലും അഫ്ഗാന്‍ സെമിയിലെത്തും.