ഇന്ന് തൃക്കലാശാട്ട്; വൈശാഖ മഹോത്സവത്തിന് സമാപനം

കൊട്ടിയൂർ : ഇരുപത്തിയേഴുനാൾ നീണ്ട കൊട്ടിയൂർ വൈശാഖ മഹോത്സവം ഇന്ന് തൃക്കലശാട്ടോടെ സമാപിക്കും. ക്ഷേത്രമില്ലാ ക്ഷേത്രമെന്നറിയപ്പെടുന്ന കൊട്ടിയൂരിൽ മണിത്തറയിലെ സ്വയംഭൂവിന് മുകളിൽ കെട്ടിയുണ്ടാക്കിയ താത്കാലിക ശ്രീകോവിൽ പിഴുത് തിരുവഞ്ചിറയിൽ നിക്ഷേപിക്കുന്നതോടെ ഉത്സവകർമ്മങ്ങൾ അവസാന ഘട്ടത്തിലെത്തും.ഇന്നലെ ഉച്ചശീവേലിക്കിടെ വാളാട്ടം നടന്നു.കിഴക്കേ നടയിൽ തിരുവഞ്ചിറയിൽ വെച്ചാണ് വാളാട്ടം നടന്നത്.