പേരാവൂരിൽ സി.പി.എം ബ്രാഞ്ച് സെക്രട്ടറിയെ മർദ്ദിച്ചു; നാല് പേർക്കെതിരെ കേസ്

പേരാവൂർ: സി.പി.എം ബ്രാഞ്ച് സെക്രട്ടറിയെ നാലംഗ സംഘം മർദ്ദിച്ചു. മേൽമുരിങ്ങോടി ബ്രാഞ്ച് സെക്രട്ടറി പി.ആർ. റിനീഷിനാണ് (37) മേൽമുരിങ്ങോടി പ്രാഥമികാരോഗ്യ കേന്ദ്രത്തിന് സമീപത്ത് വെച്ച് ഞായറാഴ്ച രാത്രി ഒൻപതോടെ മർദ്ദനമേറ്റത്. മുഖത്ത് മുളകുപൊടി മിശ്രിതം എറിഞ്ഞ ശേഷമാണ് മർദ്ദനം. പരിക്കേറ്റ റിനീഷിനെ തലശേരി സഹകരണാസ്പത്രിയിൽ പ്രവേശിപ്പിച്ച് ചികിത്സ നല്കി. റിനീഷിന്റെ പരാതിയിൽ മുരിങ്ങോടി സ്വദേശികളായ അരുൺ, പ്രണവ്, ബിനോജ്, ഒബാമ എന്ന വിനോദ് എന്നിവർക്കെതിരെ പേരാവൂർ പോലീസ് കേസെടുത്തു.