27.4 C
Iritty, IN
May 28, 2024
  • Home
  • Uncategorized
  • ചെലവ് ചുരുക്കാൻ 200 പേരെ പറഞ്ഞ് വിട്ട് ഗൂഗിൾ; ഇനി നോട്ടം ഇന്ത്യക്കാരെ
Uncategorized

ചെലവ് ചുരുക്കാൻ 200 പേരെ പറഞ്ഞ് വിട്ട് ഗൂഗിൾ; ഇനി നോട്ടം ഇന്ത്യക്കാരെ

കാലിഫോർണിയ: ടെക് ഭീമനായ ഗൂഗിൾ അതിൻ്റെ ‘കോർ’ ടീമുകളിൽ നിന്ന് 200 ജീവനക്കാരെ പിരിച്ചുവിട്ടു. പകരം ഈ റോളുകളിലേക്ക് ഇന്ത്യയിൽ നിന്നും മെക്സിക്കോയിയിൽ നിന്നും ജീവനക്കാരെ ഉൾപ്പെടുത്തുന്നതായാണ് റിപ്പോർട്ട്. ചെലവ് ചുരുക്കലിന്റെ ഭാഗമായാണ് നടപടി. ഗൂഗിളിൻ്റെ മുൻനിര ഉൽപ്പന്നങ്ങൾക്കായുള്ള സാങ്കേതിക അടിത്തറ നിർമ്മിക്കുന്നതിനും ഓൺലൈനിൽ ഉപയോക്താക്കളുടെ സുരക്ഷ ഉറപ്പാക്കുന്നതിനും ചുമതലപ്പെടുത്തിയിരിക്കുന്നതാണ് കോർ യൂണിറ്റ്.

ഒരു വർഷം തൻ്റെ ടീമിൽ നടക്കുന്ന ഏറ്റവും വലിയ പിരിച്ചുവിടലാണ് ഇതെന്ന് ഗൂഗിൾ ഡെവലപ്പർ ഇക്കോസിസ്റ്റം വൈസ് പ്രസിഡൻ്റ് അസിം ഹുസൈൻ പറഞ്ഞു. നിലവിൽ ആഗോള തലത്തിൽ നിലവിലുള്ള സാന്നിധ്യം ശക്തിപ്പെടുത്തുകയും ഒപ്പം കൂടുതൽ ഇടങ്ങളിലേക്ക് വിപുലീകരിക്കാനും ഗൂഗിളിന് പദ്ധതിയുണ്ട്. ഇതിലൂടെ, പങ്കാളികളുമായും ഡവലപ്പർ കമ്മ്യൂണിറ്റികളുമായും അടുത്ത് പ്രവർത്തിക്കാൻ കഴിയുമെന്ന് അസിം ഹുസൈൻ പറഞ്ഞു.

2023-ൻ്റെ തുടക്കം മുതൽ ആൽഫബെറ്റ് അതിൻ്റെ ആളുകളുടെ എണ്ണം വെട്ടിക്കുറയ്ക്കുകയാണ്. ഗൂഗിൾ ഈ ആഴ്ച ആദ്യം ഫ്ലട്ടർ, ഡാർട്ട്, പൈത്തൺ ടീമുകളിൽ പിരിച്ചുവിടലുകൾ പ്രഖ്യാപിച്ചു. അതിനുമുമ്പ്, കമ്പനിയുടെ റിയൽ എസ്റ്റേറ്റ്, ധനകാര്യ വകുപ്പുകളിൽ പിരിച്ചുവിടലുകൾ നടപ്പിലാക്കിയിരുന്നു. ധനകാര്യ വകുപ്പിൽ, ട്രഷറി, ബിസിനസ് സേവനങ്ങൾ, റവന്യൂ ക്യാഷ് ഓപ്പറേഷൻസ് എന്നിവയിൽ ജീവനക്കാരെ പിരിച്ചുവിട്ടു. ആർട്ടിഫിഷ്യൽ ഇൻ്റലിജൻസ് കഴിവുകൾ വികസിപ്പിക്കുന്നതിൽ ശ്രദ്ധ കേന്ദ്രീകരിച്ചതോടെ ഗൂഗിൾ ജാനുവരിയിൽ എഞ്ചിനീയറിംഗ്, ഹാർഡ്‌വെയർ, അസിസ്റ്റൻ്റ് ടീമുകൾ ഉൾപ്പെടെ ഒന്നിലധികം ടീമുകളിലായി നൂറുകണക്കിന് തൊഴിലാളികളെ പിരിച്ചുവിട്ടിരുന്നു. കഴിഞ്ഞ 12 മാസത്തിനുള്ളിൽ മാത്രം 12,000 ജോലികൾ വെട്ടിക്കുറച്ചുകൊണ്ട് ഗൂഗിൾ നടത്തുന്ന പുനർനിർമ്മാണ ശ്രമങ്ങൾ ശ്രദ്ധേയമാണ്.

Related posts

ട്രെയിനിലെ തീവയ്പ്: മരിച്ചവരുടെ വീട് സന്ദര്‍ശിച്ച് മുഖ്യമന്ത്രി; സഹായധനം കൈമാറി.*

Aswathi Kottiyoor

കൊല്ലപ്പെട്ട അശോക് ദാസ് യൂട്യൂബർ, അറിയപ്പെടുന്നത് മറ്റൊരു പേരിൽ; അറസ്റ്റിലായവരിൽ ഒരു കുടുംബത്തിലെ മൂന്നുപേർ

Aswathi Kottiyoor

തലസ്ഥാനത്തെ 10 റോഡുകളും 15നുള്ളിൽ സഞ്ചാരയോഗ്യമാക്കുമെന്ന് മന്ത്രി; ‘വെള്ളക്കെട്ട് പ്രശ്‌നത്തിനും ഉടൻ പരിഹാരം’

Aswathi Kottiyoor
WordPress Image Lightbox