ഇടമലക്കുടിയിൽ വോട്ടാവേശം

ലോക്സഭ തെരഞ്ഞെടുപ്പ് 2024ൽ ഭാഗവാക്കായി കേരളത്തിലെ ഏക ആദിവാസി ഗ്രാമപഞ്ചായത്തായ ഇടമലക്കുടിയും. ഇടമലക്കുടിയിൽ വോട്ടർമാർ ആവേശത്തോടെ രാവിലെ പോളിംഗ് ബൂത്തിലെത്തി, നീണ്ട ക്യൂ പ്രകടമായി. രാവിലെ തന്നെ നിരവധി പേരാണ് ഇടമലക്കുടിയിൽ വോട്ട് ചെയ്യാനെത്തിയത്. പ്രായമായവർ ഉൾപ്പടെ രാവിലെ സമ്മതിദാന അവകാശം വിനിയോഗിച്ച് പൊതു തെരഞ്ഞെടുപ്പിന്റെ ഭാഗമായി.
ഇടമലക്കുടിയിലെ വോട്ടിംഗ് ആവേശത്തിന്റെ ചിത്രങ്ങൾ സംസ്ഥാന തെരഞ്ഞെടുപ്പ് ഓഫീസർ സാമൂഹ്യമാധ്യമങ്ങളിലൂടെ പങ്കുവെച്ചു.