24.4 C
Iritty, IN
April 23, 2024
  • Home
  • Uncategorized
  • മദ്യലഹരിയിൽ മാതാപിതാക്കളുടെ കലഹം, കോഴിക്കോട് വിജനമായ കടത്തിണ്ണയിൽ മൂന്ന് വയസുകാരനെ മറന്നു; രക്ഷയായി യുവാവ്
Uncategorized

മദ്യലഹരിയിൽ മാതാപിതാക്കളുടെ കലഹം, കോഴിക്കോട് വിജനമായ കടത്തിണ്ണയിൽ മൂന്ന് വയസുകാരനെ മറന്നു; രക്ഷയായി യുവാവ്

കോഴിക്കോട്: മദ്യലഹരിയില്‍ പരസ്പരം കലഹിച്ച മാതാപിതാക്കള്‍ മൂന്നരവയസ്സുകാരനായ മകനെ കടത്തിണ്ണയില്‍ മറന്നുവെച്ച് വീട്ടിലേക്ക് മടങ്ങി. കോഴിക്കോട് ജില്ലയിലെ കോടഞ്ചേരിയില്‍ കഴിഞ്ഞ ദിവസം വൈകീട്ട് മുതലാണ് നാടകീയ സംഭവങ്ങള്‍ നടന്നത്. രാത്രി വിജനമായ സ്ഥലത്ത് അലഞ്ഞ മൂന്ന് വയസ്സുകാരന് അതുവഴി വന്ന യുവാവാണ് ഒടുവിൽ രക്ഷകനായത്.

തെയ്യപ്പാറ സ്വദേശികളായ യുവാവും യുവതിയും ഇവരുടെ മകനുമൊത്ത് വൈകീട്ടുമുതല്‍ കോടഞ്ചേരി അങ്ങാടിയില്‍ ഉണ്ടായിരുന്നതായി നാട്ടുകാര്‍ പറയുന്നു. മദ്യലഹരിയിലായിരുന്ന ഇരുവരും കുട്ടിയെ കടത്തിണ്ണയില്‍ ഇരുത്തി പരസ്പരം വഴക്കുകൂടുകയായിരുന്നു. ഏറെ വൈകിയിട്ടും ഇവിടെ തന്നെ തുടര്‍ന്ന ഇവര്‍ പിന്നീട് കുട്ടിയെ കൂട്ടാതെ വീട്ടിലേക്ക് മടങ്ങുകയായിരുന്നു എന്നാണ് ലഭിക്കുന്ന വിവരം. രാത്രി പതിനൊന്നോടെ സ്വന്തം കടയടച്ച് പോകുകയായിരുന്ന യുവാവാണ് കുട്ടിയെ അലഞ്ഞുനടക്കുന്ന രീതിയില്‍ കണ്ടത്. തുടര്‍ന്ന് ഇയാള്‍ കോടഞ്ചേരി പൊലീസില്‍ വിവരം അറിയിക്കുകയായിരുന്നു. പൊലീസ് ഉടന്‍ സ്ഥലത്തെത്തി കുട്ടിയെ സമീപത്തെ ആശുപത്രിയില്‍ എത്തിച്ച് പരിശോധന നടത്തുകയും ആരോഗ്യ നില തൃപ്തികരമാണെന്ന് ബോധ്യപ്പെട്ടതിനെ തുടര്‍ന്ന് വീട്ടില്‍ എത്തിക്കുകയുമായിരുന്നു.

കുട്ടിയുടെ മാതാപിതാക്കള്‍ മദ്യലഹരിയില്‍ സ്ഥിരമായി വഴക്കുകൂടാറുണ്ടെന്ന് സമീപവാസികള്‍ പറയുന്നു. യുവതിയെ പെട്രോള്‍ ഒഴിച്ച് കൊലപ്പെടുത്താന്‍ ശ്രമിച്ചു എന്ന പരാതിയില്‍ ഇയാള്‍ക്കെതിരേ മാസങ്ങള്‍ക്ക് മുന്‍പ് പൊലീസ് കേസെടുത്തിരുന്നു.

Related posts

ചേതനയറ്റ് സഹപാഠികള്‍, വിതുമ്പി ക്രൈസ്റ്റ് കോളേജ്; സുഹൃത്തുകളെ യാത്രയാക്കാന്‍ നിറകണ്ണുകളോടെ സൂരജും

Aswathi Kottiyoor

മകൾ അനുപമയുടെ ചിത്രം പുറത്ത്; പത്മകുമാർ ഒന്നാം പ്രതി; മൂന്ന് പ്രതികളുടെ അറസ്റ്റ് രേഖപ്പെടുത്തി

Aswathi Kottiyoor

മോഷ്ടിച്ച എടിഎം കാർഡ് ഉപയോഗിച്ച് അരലക്ഷം പിൻവലിച്ചു; വിമുക്ത ഭടൻ അറസ്റ്റിൽ

Aswathi Kottiyoor
WordPress Image Lightbox