36.3 C
Iritty, IN
April 13, 2024
  • Home
  • Uncategorized
  • പ്രളയസഹായം നിഷേധിക്കുന്നു,വിവേചനം കാണിക്കുന്നു,കേന്ദ്രസര്‍ക്കാരിനെതിരെ തമിഴ്നാട് സുപ്രീം കോടതിയിൽ ഹർജി നൽകി
Uncategorized

പ്രളയസഹായം നിഷേധിക്കുന്നു,വിവേചനം കാണിക്കുന്നു,കേന്ദ്രസര്‍ക്കാരിനെതിരെ തമിഴ്നാട് സുപ്രീം കോടതിയിൽ ഹർജി നൽകി

ദില്ലി:കേന്ദ്ര സര്‍ക്കാരിനെതിരെ നിർണായക നീക്കവുമായി സ്റ്റാലിൻ സർക്കാർ.പ്രളയസഹായം നിഷേധിക്കുന്നതിനെതിരെ തമിഴ്നാട് സുപ്രീംകോടതിയിൽ ഹർജി നൽകി.തമിഴ്നാടിനോട് വിവേചനം കാണിക്കുന്നതായി ഹര്‍ജിയില്‍ ആരോപിക്കുന്നു,കേന്ദ്ര ഫണ്ട് നിഷേധിക്കുന്നത് ന്യായീകരിക്കാനാകില്ല.ഉന്നതതല സംഘം റിപ്പോർട്ട് നൽകിയിട്ടും നടപടിയില്ല.തമിഴ് ജനത ദുരിതത്തിലാണ്.തമിഴ്നാട് ചോദിച്ചത് 37,000 കോടിയുടെ പാക്കേജാണ്.ഹർജി നൽകുമെന്ന് കഴിഞ്ഞയാഴ്ച തെരഞ്ഞെടുപ്പ് യോഗത്തിൽ സ്റ്റാലിൻ പറഞ്ഞിരുന്നു.തമിഴ്നാടിന് സഹായം നൽകിയെന്ന് ഇന്നലെ നിർമല സീതാരാമൻ അവകാശപ്പെട്ടിരുന്നു.വരൾച്ചാ സഹായം നിഷേധിക്കുന്നതിൽ കർണാടകം സുപ്രീം കോടതിയെ സമീപിച്ചിട്ടുണ്ട്. കടമടെുപ്പ് പരിധി ഉയര്‍ത്തണമെന്ന കേരളത്തിന്‍റെ ഹര്‍ജി ഭരണഘടന ബഞ്ചിന് കൈമാറിയിട്ടുണ്ട്.

അതിനിടെ സനാതന ധർമ വിവാദവുമായി ബന്ധപ്പെട്ട് വിവിധ സംസ്ഥാനങ്ങളിൽ രജിസ്റ്റർ ചെയ്ത കേസുകൾ ഒന്നിച്ചാക്കണം എന്നാവശ്യപ്പെട്ട് സമർപ്പിച്ച ഹർജിയിൽ തമിഴ്‌നാട് മന്ത്രിയായ ഉദയനിധി സ്റ്റാലിന് സുപ്രീംകോടതിയുടെ വിമർശനം. വാർത്തകൾ റിപ്പോർട്ട് ചെയ്യുന്ന മാധ്യമപ്രവർത്തകർക്ക് ലഭിക്കുന്ന നിയമ പരിരക്ഷ ഉദയനിധി സ്റ്റാലിന് ലഭിക്കില്ലെന്ന് സുപ്രീംകോടതി പറഞ്ഞു. വാദത്തിനിടെയാണ് റിപ്പബ്ലിക് ടിവിയിലെ അർണബ് ഗോസ്വാമി ഉൾപ്പെടെയുള്ള ചില മാധ്യമ പ്രവർത്തകർ വാർത്തകൾ അവതരിപ്പിക്കുമ്പോൾ പറയുന്ന ചില കാര്യങ്ങളെക്കുറിച്ച് ഉദയനിധിയുടെ അഭിഭാഷകർ കോടതിയിൽ ഉന്നയിച്ചു. എന്നാൽ ആ പരിരക്ഷ ഉദയനിധിക്ക് അവകാശപ്പെടാനാകില്ലെന്ന് കോടതി വ്യക്തമാക്കി.

Related posts

ഛർദിക്കാൻ ബസിൽ നിന്ന് തല പുറത്തേക്കിട്ടു; മറ്റൊരു വാഹനത്തിൽ തലയിടിച്ച് 20 കാരിക്ക് ദാരുണാന്ത്യം.

Aswathi Kottiyoor

‘മദ്യം, കാപ്പി, ചായ, ശീതള പാനീയങ്ങൾ പകല്‍ സമയത്ത് ഒഴിവാക്കുക’; ജാഗ്രതാ നിർദേശവുമായി ദുരന്ത നിവാരണ അതോറിറ്റി

Aswathi Kottiyoor

സംസ്ഥാനത്ത് ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യത; ജാഗ്രതാ മുന്നറിയിപ്പ്

Aswathi Kottiyoor
WordPress Image Lightbox