നിലമ്പൂര്: കക്കാടം പൊയിലിലെ പി വി ആര് നാച്വറോ റിസോര്ട്ടില് കാട്ടരുവിയുടെ ഒഴുക്കു തടസ്സപ്പെടുത്തിയെന്ന പരാതിയില് രണ്ടു മാസത്തിനകം തീരുമാനമെടുക്കാന് കോഴിക്കോട് ജില്ലാ കലക്ടറോട് ഉത്തരവിട്ട് ഹൈക്കോടതി. ഹര്ജിക്കാരനേയും എതിര്കക്ഷികളേയും കേട്ട് ഉചിതമായ തീരുമാനമെടുക്കാനാണ് ഹൈക്കോടതിയുടെ ഉത്തരവ്പി വി അന്വര് എം എല് എയുടെ ഉടമസ്ഥതയിലായിരുന്ന പി വി ആര് നാച്വറോ റിസോര്ട്ടില് കാട്ടരുവി തടഞ്ഞു നിര്മ്മിച്ചിരുന്ന നാലു തടയണകള് പൊളിക്കാന് ഹൈക്കോടതി നേരത്തെ ഉത്തരവിട്ടിരുന്നു. നിയമനപടികള് തുടരുന്നതിനിടെ അന്വര് ഉടമസ്ഥതാവകാശം മറ്റൊരാള്ക്ക് കൈമാറി. തടയണ പൊളിക്കുന്നതിനെതിരെ അന്വറും പുതിയ ഉടമയും ഹൈക്കോടതി ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിനെ സമീപിച്ചെങ്കിലും ഫലമുണ്ടായില്ല. തടയണകള് ഒരു മാസത്തിനകം പൊളിച്ചു നീക്കാന് ഡിവിഷന് ബെഞ്ച് ഉത്തരവിട്ടു.