24.4 C
Iritty, IN
April 23, 2024
  • Home
  • Uncategorized
  • ഉത്സവം കണ്ടുമടങ്ങിയ വിമുക്ത ഭടനും ഭാര്യയ്ക്കും മർദ്ദനം; 5 ദിവസം കഴിഞ്ഞിട്ടും അനങ്ങാതെ പൊലീസ്, എസ്പിക്ക് പരാതി
Uncategorized

ഉത്സവം കണ്ടുമടങ്ങിയ വിമുക്ത ഭടനും ഭാര്യയ്ക്കും മർദ്ദനം; 5 ദിവസം കഴിഞ്ഞിട്ടും അനങ്ങാതെ പൊലീസ്, എസ്പിക്ക് പരാതി

കൊല്ലം: കൊല്ലം ശൂരനാട് ക്ഷേത്രത്തിൽ ഉത്സവം കണ്ടുമടങ്ങിയ വിമുക്ത ഭടനും ഭാര്യയ്ക്കും മർദ്ദനമേറ്റു. ശൂരനാട് സ്വദേശി ശിവകുമാറിനും ഭാര്യ രജനിക്കുമാണ് പരിക്കേറ്റത്. അഞ്ച് ദിവസം കഴിഞ്ഞിട്ടും പ്രതികളെ പിടികൂടാതെ ഒളിച്ചുകളിക്കുകയാണ് പൊലീസ്. തിങ്കളാഴ്ച രാത്രി പത്തരയോടെയായിരുന്നു ആക്രമണം. ശിവകുമാറും രജനിയും ഉത്സവം കഴിഞ്ഞ് ബൈക്കിൽ വീട്ടിലേക്ക് വരികയായിരുന്നു.

ഗതാഗത തടസം ഉണ്ടാക്കും വിധം യുവാക്കൾ വാഹനം പാർക്ക് ചെയ്തു. ഇത് ചോദ്യം ചെയ്തതാണ് പ്രകോപനത്തിനിടയാക്കിയത്. പത്ത് പേരടങ്ങുന്ന സംഘം ഇരുമ്പുവടി ഉൾപ്പെടെയുള്ള ആയുധം കൊണ്ട് മർദിക്കുകയായിരുന്നു. ശിവകുമാറിന്‍റെ തലയ്ക്ക് അടിയേറ്റു. ഇരുവരും കരുനാഗപ്പള്ളി താലൂക്ക് ആശുപത്രിയിൽ ചികിത്സയിലാണ്. നേരത്തേയും സമാനമായ ആക്രമണം പ്രദേശത്തുണ്ടായിരുന്നു.

പരാതി കിട്ടിയിട്ടിട്ടും പ്രതികളെ പിടികൂടാതെ പൊലീസ് ഒത്തുകളിക്കുകയാണെന്നാണ് ദമ്പതികളുടെ ആരോപണം. അന്വേഷണം കാര്യക്ഷമമാക്കണമെന്നാവശ്യപ്പെട്ട് എസ്പിയ്ക്ക് പരാതി നൽകിയിട്ടുണ്ട്. പ്രതികൾ മുൻകൂർ ജാമ്യം തേടി ഹൈക്കോടതിയെ സമീപിച്ചതാണ് അറസ്റ്റിന് തടസമെന്നാണ് പൊലീസ് വിശദീകരണം.

Related posts

ദേശീയപാതയിലെ കുഴിയിൽ വീണ ബൈക്ക് യാത്രികൻ റോഡിലേക്ക് തെറിച്ചുവീണു, കണ്ടെയ്നർ ട്രെയിലർ ഇടിച്ച് ദാരുണാന്ത്യം

Aswathi Kottiyoor

മുഖ്യമന്ത്രി പ്രത്യേക വിമാനത്തിൽ താനൂരിലേക്ക് പുറപ്പെട്ടു; മരിച്ചവരുടെ വീടുകൾ സന്ദർ‌ശിക്കും

അയ്യൻകുന്ന് പഞ്ചായത്ത് വൈസ് പ്രസിഡണ്ടായി ബീന റോജസിനെ തിരഞ്ഞെടുത്തു.

Aswathi Kottiyoor
WordPress Image Lightbox