വളം വിതരണ ഉദ്ഘാടനം സംഘടിപ്പിച്ചു

പേരാവൂർ: നാളികേര വികസന ബോർഡിന്റെ സമഗ്ര നാളികേര വികസന പദ്ധതി പ്രകാരം തിരഞ്ഞെടുക്കപ്പെട്ട നാളികേര ഉൽപാദക യൂണിറ്റുകളുടെ സംയുക്താഭിമുഖ്യത്തിൽ വളം വിതരണ പരിപാടി സംഘടിപ്പിച്ചു . പേരാവൂർ റോബിൻസ് ഓഡിറ്റോറിയത്തിൽ വച്ച് നടന്ന ചടങ്ങ് കണ്ണൂർ കെ വി കെ ഹെഡ് ഡോക്ടർ ജയരാജ് ഉദ്ഘാടനം ചെയ്തു.ഐ സി ഒ സി ചെയർമാൻ ശ്രീകുമാർ കെ ആർ അധ്യക്ഷനും, ബി ചിന്നരാജ് പദ്ധതി വിശദീകരണവും നടത്തി. ചടങ്ങിൽ ഷിനു തോമസ്, ജേക്കബ് വി ടി, ജെയിംസ് ടി ടി, മാത്യു പേമലയിൽ, നാരായണൻ എം, ബോബി ജോൺ തുടങ്ങിയവർ സംബന്ധിച്ചു.