ആറളം:ആറളം ഫാം പുനരധിവാസ മേഖലയിലെ ആദിവാസികളുടെ 254 പട്ടയങ്ങൾ റദ്ദാക്കി. ഭൂമി നൽകിയ 1746 ഗോത്രവർഗ്ഗക്കാരുടെ കൈവശാവകാശ രേഖ റദ്ദാക്കാൻ സർക്കാർ നോട്ടീസ് നൽകി. 254 പട്ടയങ്ങൾ റദ്ദാക്കി,152 കുടുംബങ്ങൾക്ക് നിലവിൽ നോട്ടീസും നൽകി, 244 കുടുംബങ്ങളെ കണ്ടെത്താൻ സാധിച്ചിട്ടില്ല, 101 കുടുംബങ്ങൾ ഭൂമി ആവശ്യമില്ലെന്ന് രേഖാമൂലം പട്ടികവർഗ്ഗ വകുപ്പിനെ അറിയിച്ചിട്ടുണ്ട്. പട്ടയം കൈപ്പറ്റിയിട്ടും വർഷങ്ങളായി താമസിക്കാത്തവരുടെ പട്ടയം റദ്ദ് ചെയ്യാനാണ് ട്രൈബൽ മിഷൻ തീരുമാനം. ഇതിനെതിരെ വിവിധ ആദിവാസി സംഘടനകൾ രംഗത്തെത്തിയിട്ടുണ്ട്.