വിശപ്പ് സഹിക്കവയ്യാതെ പൂച്ചയെ പച്ചയ്ക്ക് തിന്ന യുവാവിനെ കണ്ടെത്തി; യുവാവിന് ഭക്ഷണം നൽകി

വിശപ്പ് സഹിക്കവയ്യാതെ പൂച്ചയെ പച്ചയ്ക്ക് തിന്ന യുവാവിനെ കണ്ടെത്തി. മലപ്പുറം കുറ്റിപ്പുറത്തായിരുന്നു സംഭവം. അസം സ്വദേശി ഡിബോജിത് റോയിയെ ആണ് കുറ്റിപ്പുറം റെയിൽവേ സ്റ്റേഷനിൽ നിന്ന് കണ്ടെത്തിയത്. യുവാവിനെ പൊലീസ് ഉദ്യോഗസ്ഥരും സന്നദ്ധ സേവാ പ്രവർത്തകരും ചേർന്ന് കുളിപ്പിക്കുകയും ഭക്ഷണം നൽകുകയും ചെയ്തു. മാനസിക പ്രശ്നങ്ങൾ പ്രകടമാക്കിയതോടെ ഇയാളെ കുതിരവട്ടം മാനസികാരോഗ്യ കേന്ദ്രത്തിലേക്ക് മാറ്റിയിരിക്കുകയാണ്.