എഎഫ്സി ഏഷ്യന് കപ്പ് 2024-ല് തങ്ങളുടെ ആദ്യ മത്സരത്തില് കരുത്തരായ എതിരാളികള്ക്കെതിരെയുള്ള പോരാട്ടത്തില് പൊരുതി വീണ് ഇന്ത്യന് ഫുട്ബോള് ടീം. ലോക റാങ്കിംഗില് 25-ാം സ്ഥാനത്തുള്ള ഓസ്ട്രേലിയയ്ക്കെതിരെ പ്രതിരോധകരുത്ത് പുറത്തെടുത്ത് തന്നെയാണ് ഇന്ത്യ രണ്ട് ഗോള് തോല്വി വഴങ്ങിയത്. മത്സരത്തിന്റെ തുടക്കം മുതല് ആവേശത്തിന് കുറവൊന്നുമില്ലാതെ പോരാടി ഇരുടീമുകളും. ഓസ്ട്രേലിയയുടെ മൂര്ച്ചയേറിയ മുന്നേറ്റത്തെ കൃത്യമായി പ്രതിരോധിച്ചകറ്റി ഇന്ത്യ. ജിങ്കന്റെയും ഗോള് കീപ്പര് ഗുര്പ്രീതിന്റെയും മിന്നുന്ന പ്രകടനമാണ് ഇന്ത്യയ്ക്ക് വലിയ കരുത്തതായത്.