ആയുഷ് സേവനങ്ങള്ക്കായുള്ള ഒ.പി. വിഭാഗത്തില് രാജ്യത്ത് ഏറ്റവും കൂടുതല് സേവനം നല്കുന്നത് കേരളത്തിലാണെന്ന് നീതി ആയോഗ് വിലയിരുത്തി. ദിവസേന ആയുഷ് ഒ.പി. വിഭാഗത്തിലെത്തുന്ന രോഗികളുടെ എണ്ണത്തിലെ വര്ധനവ് ഈ രംഗത്തെ സ്വീകാര്യതയും മുന്ഗണനയും സൂചിപ്പിക്കുന്നതാണ്. മെഡിക്കല് ക്യാമ്പുകള് സംഘടിപ്പിക്കുന്നതില് കേരളം മികവ് പുലര്ത്തുന്നതായി നീതി ആയോഗ് സംഘം അഭിപ്രായപ്പെട്ടു. ഒരു ക്യാമ്പില് ഏകദേശം 600 പേര്വരെ എത്തുന്നുണ്ട്. ഇത് രാജ്യത്തെ തന്നെ ഏറ്റവും ഉയര്ന്നതാണ്.
ആയുഷ് മെഡിക്കല് സേവനങ്ങളോടുള്ള ജനങ്ങളുടെ പൊതു മുന്ഗണനയിലും കേരളം ഒന്നാമതാണ്. സംസ്ഥാനത്ത് ആയുഷ് മേഖലയില് കൈവരിച്ച സുപ്രധാന പുരോഗതിയില് സംഘം സംതൃപ്തി രേഖപ്പെടുത്തി. കേരളത്തില് മുഴുവന് സമയ യോഗ പരിശീലകരുടെ ലഭ്യത ഉറപ്പാക്കിയതിനെ റിപ്പോര്ട്ടില് എടുത്തു പറഞ്ഞു. മറ്റ് സംസ്ഥാനങ്ങളെ അപേക്ഷിച്ച് യോഗയ്ക്കായി പരിശീലകരുടെ എണ്ണം വര്ധിപ്പിക്കുക മാത്രമല്ല ഗുണഭോക്താക്കളുടെ എണ്ണവും യോഗ സെഷനുകളും വര്ധിപ്പിച്ചിട്ടുണ്ട്. ആയുഷ് വെല്നെസ് സെന്ററുകളിലെ ശുചിത്വമുള്ള ശുചിമുറികളും മികച്ച നിലവാരം പുലര്ത്തുന്നതായി റിപ്പോര്ട്ടില് പറയുന്നു