പേരാവൂർ:പഞ്ചായത്ത് നിർദ്ദേശങ്ങൾ ലംഘിച്ച് പേരാവൂർ ടൗണിൽ ഗുഡ്സ് ഓട്ടോയിൽ അനധികൃതമായി പച്ചക്കറി വില്പനനടത്തുന്നതും പച്ചക്കറി പൊതിഞ്ഞു നൽകുന്ന നിരോധിത പ്ലാസ്റ്റിക്ക് കവർ പിടിച്ചെടുക്കാനും ശ്രമിച്ച പേരാവൂർ പഞ്ചായത്ത് വിഭാഗം ഹെൽത്ത് ഇൻസ്‌പെക്ടർ ദിവ്യ രാഘവനെ അനധികൃത കച്ചവടം ചെയ്തുകൊണ്ടിരുന്നവർ തടഞ്ഞു.
സംഭവം കണ്ട് ഓടികൂടിയ ടൗണിലെ വ്യാപാരികളും നാട്ടുകാരും നോക്കിനിൽക്കെ പിടിച്ചെടുത്ത നിരോധിത പ്ലാസ്‌റ്റിക് കവർ ഉൾപ്പെടെ ഇവരിൽ നിന്നും തട്ടിപറിച്ചു ഗുഡ്സ് ഓട്ടോയിൽ കടന്നുകളയുകയായിരുന്നു.ജീവനക്കാരിയുടെ ജോലി തടഞ്ഞവർക്കെതിരെ പേരാവൂർ പഞ്ചായത്ത് സെക്രട്ടറി ബാബു തോമസ് പൊലീസിൽ പരാതി നൽകി.