വെള്ളമുണ്ട പുളിഞ്ഞാൽ ചിറപ്പുല്ല് മലയിൽ കാട്ടാനയുടെ ആക്രമണത്തിൽ വനംവകുപ്പ് താത്കാലിക വാച്ചർ കൊല്ലപ്പെട്ടു;

വനംവകുപ്പ് വിഎസ്എസ് വാച്ചറായ നെല്ലിക്കച്ചാൽ തങ്കച്ചൻ (53) ആണ് കൊല്ലപ്പെട്ടത്. ഇന്ന് രാവിലെ 11 ഓടെയാണ് സംഭവം. വെള്ളമുണ്ട ഫോറസ്റ്റ് സ്‌റ്റേഷനിൽ നിന്നും ചിറപ്പുല്ല് മലയിലേക്ക് രാവിലെ വിനോദ സഞ്ചാരികളുമായി പോകവേ തവളപ്പാറ മേഖലയിൽ വെച്ചാണ് കാട്ടാനയുടെ ആക്രമണമുണ്ടായത് .കുടെയുണ്ടായിരുന്നവർ ഓടി രക്ഷപ്പെട്ട് തിരികെ എത്തി വനപാലകരെ വിവരം അറിയിച്ചതിനെ തുടർന്ന് നടത്തിയ പരിശോധനയിലാണ് തങ്കച്ചനെ കണ്ടെത്തിയത്. മൃതദേഹം മാനന്തവാടി മോർച്ചറിയിൽ സൂക്ഷിച്ചിരിക്കുകയാണ്