കേളകം:സൂര്യന് ചുറ്റും ഒരു മഴവില്ലുപോലുള്ള പ്രകാശവലയം കാണപ്പെട്ടത് ഏവർക്കും വേറിട്ട അനുഭവമായി. ’22 ഡിഗ്രി സർക്കുലർ ഹാലോ,’ എന്ന അന്തരീക്ഷ പ്രതിഭാസമാണ് നിലവിൽ കാണപ്പെട്ടത്. ഇന്ന് പകൽ 11.30 ഓടെയാണ് നാട്ടുകാർ ഈ പ്രതിഭാസത്തിന് സാക്ഷ്യം വഹിച്ചത്.പലരും അപൂർവ പ്രതിഭാസത്തിന്റെ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്തിരുന്നു.
പൊതുവെ മേഘങ്ങളിലെ അഷ്ടഭുജാകൃതിയിലുള്ള ഐസ് പരലുകളിൽ സൂര്യന്റേയോ ചന്ദ്രന്റേയോ പ്രകാശ കിരണങ്ങൾ തട്ടിച്ചിതറുമ്പോഴാണ് ഇത് ദൃശ്യമാകുന്നത്.മൂൺ റിങ്,വിന്റർ ഹാലോ തുടങ്ങിയ പേരുകളിലും ഈ പ്രതിഭാസം അറിയപ്പെടുന്നു.