നാളെ മുതല് 27 വരെ എല്ലാ ജില്ലകളിലും റേഷന് കടകളിലൂടെയാണ് ഓണകിറ്റ് വിതരണം ചെയ്യുന്നത്. ക്ഷേമ സ്ഥാപനങ്ങളിലെ നാല് അംഗങ്ങള്ക്ക് ഒന്ന് എന്ന വീതം കിറ്റുകള് താലൂക്ക് സപ്ലൈ ഓഫിസര്മാരുടെ മേല്നോട്ടത്തില് എത്തിച്ചു നല്കും. സാമൂഹികക്ഷേമ വകുപ്പു നല്കുന്ന പട്ടിക പ്രകാരമാണ് ഇതിന്റെ വിതരണം.
തുണി സഞ്ചി ഉള്പ്പെടെ പതിനാലിനം ഭക്ഷ്യോല്പ്പന്നങ്ങളാണുള്ളത്. തേയില, ചെറുപയര് പരിപ്പ്, സേമിയ പായസം മിക്സ്, നെയ്യ് , കശുവണ്ടി പരിപ്പ്, വെളിച്ചെണ്ണ, സാമ്പാര്പൊടി, മുളക് പൊടി, മഞ്ഞള്പൊടി, മല്ലിപ്പൊടി, ചെറുപയര്, തുവരപ്പരിപ്പ്, പൊടി ഉപ്പ്, തുണിസഞ്ചി എന്നിവയാണ് കിറ്റില് ഉണ്ടാവുക.