തളിപ്പറമ്പ് ബസ് സ്റ്റാൻഡിൽ മൂന്നു പേരെ തെരുവ് നായ ആക്രമിച്ചു

തളിപ്പറമ്പ് (കണ്ണൂർ)∙ നഗരത്തിൽ മൂന്നു പേർക്ക് തെരുവ് നായയുടെ കടിയേറ്റു. ഓട്ടോ ഡ്രൈവർ തൃചംബരം പി.വി.മുനീർ, കപ്പാലം സി.ജാഫർ, പട്ടുവം പി.വി.വിനോദ് എന്നിവർക്കാണ് ഇന്നു രാവിലെ കടിയേറ്റത്. മുനീറിന് ബസ് സ്റ്റാൻഡിലെ ഓട്ടോ സ്റ്റാൻഡിൽ വച്ചാണ് കടിയേറ്റത്. ജാഫറിനെ മാർക്കറ്റ് റോഡ് ജംക്‌ഷനിലെ കടയുടെ മുൻപിൽ പത്രം വായിച്ചു കൊണ്ടിരിക്കുമ്പോൾ ഓടി വന്ന നായ കടിക്കുകയായിരുന്നു. ഹൈവേയിൽ വച്ചാണ് വിനോദിനെ നായ ആക്രമിച്ചത്.