കേളകം: ആറളത്തിന്‍റെ വന്യജീവി സങ്കേതം പദവി റദ്ദ് ചെയ്യണമെന്ന് ആവശ്യപ്പെട്ട് കേളകം പഞ്ചായത്തിലെ ആറാം വാര്‍ഡും പ്രമേയം പാസാക്കി.ആറളം വന്യജീവി സങ്കേതവുമായി ബന്ധപ്പെട്ട വിഷയം ചര്‍ച്ച ചെയ്യന്നതിനായി അടയ്ക്കാത്തോട് മുഹിയുദ്ധീന്‍ ജുമാമസ്ജിദ് മദ്രസ ഹാളില്‍ ചേര്‍ന്ന പ്രത്യേക ഗ്രാമ സഭയാണ് ഐക്യകണ്ഠന പ്രമേയം പാസാക്കിയത്. ജോസഫ് ആഞ്ഞിലിവേലിൽ പ്രമേയം അവതരിപ്പിച്ചു. കേളകം പഞ്ചായത്ത് പ്രസിഡന്‍റ് സി.ടി. അനീഷ്, വാര്‍ഡ് മെമ്പര്‍ ഷാന്‍റി സജി, പഞ്ചായത്ത് അംഗങ്ങളായ ബിനു മാനുവല്‍, പി.ജെ. തോമസ് എന്നിവര്‍ പങ്കെടുത്തു. രണ്ടാം വാര്‍ഡ് പ്രത്യേക ഗ്രാമസഭ ഇന്ന് ചെട്ടിയാംപറമ്പ് ക്ഷീരവികസന സഹകരണ സംഘം ഹാളിലും, ഏഴാം വാര്‍ഡ് ഗ്രാമസഭ കോളിത്തട്ട് എൽപി സ്കൂളിലും ചേരും.
ആറളത്തിന്‍റെ വന്യജീവി സങ്കേതം പദവി റദ്ദ് ചെയ്യണമെന്ന് ആവശ്യപ്പെട്ട് പ്രമേയം പാസാക്കി.
