ഉളിക്കൽ : സീസൺ എത്തിയതോടെ വില ഉയർന്നെങ്കിലും കടുത്ത വേനലിൽ പ്രതീക്ഷിച്ച വരുമാനം നേടാനാകില്ലെന്ന ആശങ്കയിൽ പൈനാപ്പിൾ കർഷകർ. പൈനാപ്പിൾ പഴത്തിനും സ്പെഷ്യൽ ഗ്രേഡ് പച്ചയ്ക്കും 50 രൂപയും പച്ചയ്ക്ക് 48 രൂപയുമാണ് ശനിയാഴ്ചത്തെ നിരക്ക്. ഈ വർഷത്തെ ഏറ്റവും ഉയർന്ന നിരക്കാണിത്.
സീസൺ എത്തിയതും ഉത്പാദനത്തിലുണ്ടായ ഇടിവുമാണ് വില ഉയരാൻ കാരണം. വേനൽച്ചൂട് കൂടിയതോടെ കടുത്ത ഉണക്ക് ബാധിച്ചതാണ് ഉത്പാദനം കുറയാൻ കാരണമായത്. ഇതോടെ, വിലവർധനയുടെ ഗുണം കർഷകർക്ക് ലഭിക്കുന്നില്ല