കൊട്ടിയൂർ: കൊട്ടിയൂർ വൈശാഖ മഹോത്സവത്തോടനുബന്ധിച്ച് മുന്നൊരുക്കങ്ങളെ കുറിച്ച് ചർച്ച ചെയുന്നതിന്റെ ഭാഗമായി കൊട്ടിയൂർ ദേവസ്വത്തിന്റെ നേതൃത്വത്തിൽ അവലോകന യോഗം ചേർന്നു. കൊട്ടിയൂർ പഞ്ചായത്ത് പ്രസിഡന്റ് റോയി നമ്പുടാകം ഉദ്ഘാടനം ചെയ്തു. മലബാർ ദേവസ്വം ബോർഡ് പ്രസിഡന്റ് എം. ആർ മുരളി അധ്യക്ഷത വഹിച്ചു. ജൂൺ ഒന്നിനാരംഭിച്ച് 30ന് അവസാനിക്കുന്ന വൈശാഖ മഹോത്സവവുമായി ബന്ധപ്പെട്ട വിവിധ വിഷയങ്ങൾ സംബന്ധിച്ച് യോഗം ചർച്ച ചെയ്തു.