ഇരിട്ടി: മോഷണക്കേസിലെ പിടികിട്ടാപ്പുള്ളി 15 വർഷത്തിന് ശേഷം പോലീസ് പിടിയിലായി. അയ്യൻകുന്ന് പഞ്ചായത്തിലെ മുണ്ടയാംപറമ്പിൽ വീട് കുത്തിതുറന്ന് സ്വർണ്ണവും പണവും കവർന്ന കേസിലെ പ്രതി മുഴക്കുന്ന് സ്വദേശി കല്ലേരി ഹൗസിൽ പ്രമോദ് (54) നെയാണ് കരിക്കോട്ടക്കരി സി ഐ പി ബി സജീവിന്റെ നേതൃത്വത്തിലുളള പോലീസ് മൂവാറ്റുപുഴയിൽ വെച്ച് അറസ്റ്റു ചെയ്തത്. 2004-ൽ ആണ് വീട് കുത്തിതുറന്ന് മോഷണം നടന്നത്. മോഷണത്തിന് ശേഷം ഇയാൾ ഒളിവിൽ കഴിയുകയായിരുന്നു. പോലീസിന് കിട്ടിയ രഹസ്യ വിവരത്തിന്റെ അടിസ്ഥാനത്തിലാണ് ഇയാൾ പിടിയിലാകുന്നത്. ഇയാൾക്കെതിരെ മറ്റ് സ്റ്റേഷനുകളിലും കേസുണ്ടെണ്ടെന്ന്‌ പോലീസ് പറഞ്ഞു. പ്രതിയെ മട്ടന്നൂർ കോടതിയിൽ ഹാജരാക്കി റിമാണ്ട് ചെയ്തു.
മോഷണക്കേസിലെ പിടികിട്ടാപ്പുള്ളി അറസ്റ്റിൽ
