28 വർഷത്തെ സേവനം തുണ്ടിയിൽ ദേവസ്യ പടിയിറങ്ങുന്നു.

ആറളം പഞ്ചായത്തിലെ ക്ഷീര കർഷകരുടെ ആശ്രയകേന്ദ്രമായ കീഴ്പ്പള്ളി ക്ഷീരോൽപ്പാദക സഹകരണ സംഘം സെക്രട്ടറിയാണ് തുണ്ടിയിൽ ദേവസ്യ 28 വർഷത്തെ സേവനത്തിന് ശേഷം ഡിസംബർ 28 ന് പടിയിറങ്ങുകയാണ്. സംഘത്തിന്റെ ഉന്നമനത്തിനായി ത്യാഗം സഹിച്ച വ്യക്തിയാണ് ദേവസ്യ, 1995 ഒക്ടോബർ മാസം സർവ്വീസിൽ കയറിയ ദേവസ്യ 28 വർഷം സംഘത്തിന്റെ ഉന്നമനത്തിനായി പ്രവർത്തിച്ചു. ഭാര്യ ലിസിയും മക്കളായ പീതു പ്രീയയും റൊസാരിയോയും കരുത്തുറ്റ പിന്തുണയാണ് നൽകിയതെന്ന് ദേവസ്യ പറയുന്നു. തുടക്കത്തിൽ കുറഞ്ഞ അളവിലായിരുന്നു പാൽ അളവ് ക്ഷീര കർഷകരെ നേരിൽ കണ്ട് പാൽ സംഘത്തിൽ അളക്കാൻ ആവിശ്യപ്പെട്ടു. അതിന് ഫലം കണ്ടു. 1800 ലിറ്റർ പാൽ ശരാശരി പ്രതിദിനം സംഭരിക്കാൻ സാധിച്ചതായും അദ്ദേഹം പറഞ്ഞു. സെക്രട്ടറിയുടെ നിസ്വാർദ്ധമായ സേവനം സംഘത്തിന് മുതൽ കൂട്ടായെന്ന് സംഘം പ്രസിഡന്റ് വി.ടി. ചാക്കോ പറഞ്ഞു. സെക്രട്ടറിയുടെ നിഷ്ക്കളങ്കമായ പ്രവർത്തനം സംഘത്തിൽ കൂട്ടായ്മ വളർത്തിയെടുക്കാൻ സാധിച്ചതായി ജീവനക്കാരും അഭിപ്രായപ്പെട്ടു. ഡിസംബർ 28 ന് സ്നേഹ നിർഭരമായ യാത്ര അയപ്പ് നൽകാൻ കാത്തിരിക്കുകയാണ് ജീവനക്കാരും ഭരണ സമിതി അംഗങ്ങളും യാത്ര അയപ്പ് സമ്മേളനം പേരാവൂർ എം എൽ എ അഡ്വ: സണ്ണി ജോസഫ് ഉദ്ഘാടനം ചെയ്യും.