സംസ്ഥാനത്തെ സൗരോർജ നിലയങ്ങളുടെ ആകെ സ്ഥാപിത ശേഷി 676 മെഗാവാട്ടായി വർധിച്ചിട്ടുണ്ടെന്നു മന്ത്രി കെ .കൃഷ്ണൻകുട്ടി. സൗര പുരപ്പുറ സൗരോർജ പദ്ധതിയുടെ ഭാഗമായി 500 മെഗാവാട്ട് പുരപ്പുറ സൗര നിലയങ്ങളിൽ നിന്നും 500 മെഗാവാട്ട് സോളാർപാർക്ക്, ഫ്ളോട്ടിംഗ് സോളാർ എന്നിവ മുഖേനയും കൈവരിക്കാനാണു ലക്ഷ്യമിടുന്നത്. നിലവിൽ ഈ പദ്ധതി വഴി 111.04 മെഗാവാട്ട് ശേഷിയുടെ 25,817 സൗര നിലയങ്ങൾ പൂർത്തീകരിച്ചു. ഇതിൽ 100.33 മെഗാവാട്ടിന്റെ 23,939 നിലയങ്ങൾ കമ്മീഷൻ ചെയ്തു. അനെർട്ട് മുഖേന സൗരോർജത്തിൽനിന്ന് 200 മെഗാവാട്ട് വൈദ്യുതി ഉത്പാദിപ്പിക്കാനാണു ലക്ഷ്യമിടുന്നതെന്നും മന്ത്രി വ്യക്തമാക്കി.