മട്ടന്നൂർ: മട്ടന്നൂർ ഉപജില്ലാ സ്കൂൾ കലോത്സവം ഇന്നു മുതൽ 18 വരെ കൂടാളി ഹയർ സെക്കൻഡറി സ്കൂളിൽ നടക്കും. 16ന് രാവിലെ 9.30 ന് കെ.കെ. ശൈലജ എംഎൽഎ ഉദ്ഘാടനം ചെയ്യും. കൂടാളി പഞ്ചായത്ത് പ്രസിഡന്‍റ് പി.കെ. ഷൈമ അധ്യക്ഷത വഹിക്കും. 17 വേദികളിലായി രണ്ടായിരത്തോളം കലാപ്രതിഭകൾ മാറ്റുരയ്ക്കും.
കലോത്സവത്തിനോടനുബന്ധിച്ച് പ്രചരണ ജാഥയും ഫ്ലാഷ് മോബും സംഘടിപ്പിച്ചു. 18ന് വൈകുന്നേരം അഞ്ചിന് നടക്കുന്ന സമാപന സമ്മേളനം വി. ശിവദാസൻ എംപി ഉദ്ഘാടനം ചെയ്യും. പ്രശസ്ത സിനിമാതാരം സന്തോഷ് കീഴാറ്റൂർ വിശിഷ്ഠാതിഥിയാകും.