ആഫ്രിക്കന്‍ രാജ്യമായ ഗിനിയയില്‍ മലയാളികള്‍ ഉള്‍പ്പെടെയുള്ള 26 പേരെ നേവി തടങ്കലിലാക്കി. കേന്ദ്ര സര്‍ക്കാരിനെ അറിയിച്ചെങ്കിലും മോചനത്തിന് നടപടി ഇല്ല. 3 മലയാളികള്‍ ഉള്‍പ്പെടെ 16 ഇന്ത്യക്കാര്‍ സംഘത്തിലുണ്ട്. നൈജീരിയന്‍ നേവിയുടെ നിര്‍ദേശപ്രകാരമാണ് കപ്പല്‍ ജീവനക്കാരെ ഗനിയന്‍ നേവി കസ്റ്റഡിയിലെടുത്തത്.
മോചനദ്രവ്യമായി ഇരുപത് ലക്ഷം ഡോളര്‍ കപ്പല്‍ കമ്പനി നല്‍കിയിട്ടും ഗിനിയ മോചിപ്പിച്ചില്ല. എല്ലാവരെയും നൈജീരിയക്ക് കൈമാറാനാണ് ഇപ്പോഴത്തെ നീക്കം. കൊല്ലത്ത് സ്ത്രീധനപീഡനത്തെ തുടര്‍ന്ന് ആത്മഹത്യചെയ്‌ത വിസ്‌മയയുടെ സഹോദരന്‍ മര്‍ചന്റ് നേവി ഉദ്യോഗസ്ഥനായ വിജിത്തും തടവിലായവരുടെ കൂട്ടത്തിലുണ്ട്. വിജിത്തിന് പുറമെ സനു ജോസ്, മില്‍ട്ടണ് എന്നിവരാണ് കപ്പിലിലെ മറ്റ് മലയാളികള്‍.