കണ്ണൂര്‍; പോക്സോ കേസ് പ്രതിയായ അധ്യാപകന്‍റെ വീടിനു നേരെ ആക്രമണം. കണ്ണൂര്‍ കക്കയങ്ങാട് പാലാ ഹയര്‍ സെക്കന്‍ഡറി സ്‌കൂളിലെ അധ്യാപകന്‍ എ.കെ.ഹസന്‍റെ വീടിനു നേരെയാണ് ആക്രമണമുണ്ടായത്.
സംഭവത്തില്‍ ഇയാളുടെ ഭാര്യയ്ക്ക് പരിക്കേറ്റു. വിദ്യാര്‍ഥിനികളോട് മോശമായി പെരുമാറിയെന്ന പരാതിയില്‍ ചൊവ്വാഴ്ചയാണ് അധ്യാപകനെതിരെ കേസെടുത്തത്.
കൗണ്‍സിലിംഗിനിടെ വിദ്യാര്‍ഥികള്‍ അധ്യാപികയെ പരാതി അറിയിക്കുകയായിരുന്നു. സ്‌കൂള്‍ അധികൃതര്‍ ചൈല്‍ഡ് ലൈനിലും പോലീസിലും പരാതി നല്‍കിയതോടെയാണ് കേസെടുത്തത്. സംഭവത്തില്‍ പ്രതിഷേധിച്ച് എസ്എഫ്‌ഐ സ്‌കൂളില്‍ സമരം നടത്തിയിരുന്നു.