ഡ്യൂട്ടി പരിഷ്‌കരണം അടക്കമുള്ള കാര്യങ്ങള്‍ ചര്‍ച്ച ചെയ്യാന്‍ കെഎസ്ആര്‍ടിസി എംഡി വിളിച്ച യോഗം ഇന്ന്. അംഗീകൃത യൂണിയനുകളുമായുള്ള ചര്‍ച്ച വൈകിട്ട് നാലിന് തിരുവനന്തപുരത്ത് നടക്കും.
ഒക്ടോബര്‍ ഒന്നു മുതല്‍ 12 മണിക്കൂര്‍ സിംഗിള്‍ ഡ്യൂട്ടി നടപ്പാക്കാനാണ് മാനേജ്‌മെന്‍റിന്‍റെ തീരുമാനം. ആഴ്ചയില്‍ 6 ദിവസമാണ് ഡ്യൂട്ടി പരിഷ്‌കരണം നടപ്പാക്കാന്‍ ഉദ്യേശിക്കുന്നത്. ഇക്കാര്യം യൂണിയനുകളുമായി ചര്‍ച്ച ചെയ്യും.
നിലവില്‍ സിഐടിയൂ മാത്രമാണ് സിംഗിള്‍ ഡ്യൂട്ടി നടപ്പാക്കുന്നതിനോട് അനുകൂല നിലപാട് സ്വീകരിച്ചിട്ടുള്ളത്. ഇതിനെതിരെ കോണ്‍ഗ്രസ് അനുകൂല സംഘടനയായ ടിഡിഎഫ് സമരം പ്രഖ്യാപിച്ചിരിക്കുന്ന സാഹചര്യത്തിലാണ് ജീവനക്കാരെ അനുനയിപ്പിക്കാന്‍ യോഗം വിളിച്ചിരിക്കുന്നത്.
അക്കൗണ്ട്‌സ് ജീവനക്കാരുടെ സമയമാറ്റം, ജീവനക്കാരുടെ കളക്ഷന്‍ ഇന്‍സന്‍റീവ് പരിഷ്‌കരണം തുടങ്ങിയ കാര്യങ്ങളും യോഗത്തില്‍ ചര്‍ച്ചയാകും.