കൊട്ടിയൂർ: യൂത്ത് കോൺഗ്രസ് കൊട്ടിയൂർ മണ്ഡലം കമ്മിറ്റിയുടെ നേതൃത്വത്തിൽ റോഡിലെ കുഴിയെണ്ണൽ മത്സരം. അമ്പയത്തോട് മുതൽ മണത്തണ വരെയുള്ള പിഡബ്ല്യൂഡി റോഡിലെ കുഴിയെണ്ണി പറയുന്നവർക്ക് കുഴിമന്തിയാണ് സമ്മാനമായി ലഭിക്കുക. റോഡിൽ വലിയ കുഴികൾ എത്ര, ചെറിയ കുഴികൾ എത്ര എന്ന് കൃത്യമായി എണ്ണി പറയണം. 9847028972 എന്ന നമ്പറിൽ വിളിച്ചോ അല്ലെങ്കിൽ മെസേജ് അയച്ചോ മത്സരാർഥികൾക്ക് ഉത്തരങ്ങൾ അറിയിക്കാം.കാലങ്ങളായി സണ്ണി ജോസഫ് എംൽഎ റോഡിന്റെ കാര്യം നിയമസഭയിൽ നിരന്തരമായി ഉയർത്തിയിട്ടും എല്ലാം ശരിയാക്കാം എന്ന മറുപടി അല്ലാതെ മറ്റൊന്നും നടക്കുന്നില്ലെന്നും, ഇതിൽ പ്രതിഷേധിച്ച് പൊതുജന താല്പര്യർഥമാണ് ഇത്തരത്തിൽ വ്യത്യസ്തമായൊരു പ്രതിഷേധ പരിപാടിയുമായി രംഗത്തെത്തിയതെന്നും യൂത്ത് കോൺഗ്രസ് പറയുന്നു.