തെരുവുനായ്ക്കൾക്ക് പേവിഷ പ്രതിരോധ കുത്തിവയ്പ് നൽകുന്ന പദ്ധതിക്ക് ഈ മാസം 20നു തുടക്കം കുറിക്കുമെന്ന് മന്ത്രി ജെ. ചിഞ്ചുറാണി അറിയിച്ചു.
സംസ്ഥാനത്ത് നാലു ലക്ഷം തെരുവുനായകളുണ്ട്. തെരുവുനായ കൂടുതലുള്ള 17 കേന്ദ്രങ്ങളെ ഹോട്ട്സ്പോട്ടാക്കി തിരിച്ച് കുത്തിവയ്പിനു തുടക്കം കുറിക്കും.
മൃഗസംരക്ഷണ വകുപ്പിന്‍റെ പക്കൽ ആറ് ലക്ഷം വാക്സിൻ ഉണ്ടായിരുന്നതിൽ രണ്ടു ലക്ഷം കുത്തിവച്ചു. നാല് ലക്ഷം വാക്സിൻ ജില്ലാ ആശുപത്രികൾക്കു കൈമാറി. നിലവിൽ നാല് കോർപറേഷനുകളിലും കൊല്ലം, പാലക്കാട്, കോഴിക്കോട്, വയനാട്, കണ്ണൂർ ജില്ലകളിലെ തദ്ദേശ സ്ഥാപനങ്ങളിലും മൃഗസംരക്ഷണ വകുപ്പിന്‍റെ സഹകരണത്തോടെ നായ വന്ധ്യംകരണ പദ്ധതി നടപ്പാക്കിവരുന്നു.