കണ്ണൂർ യൂണിവേഴ്‌സിറ്റിയുടെ കീഴിലുള്ള ഏറ്റവും വലിയ ഇൻഡോർ ഓഡിറ്റോറിയം അങ്ങാടിക്കടവ് ഡോൺ ബോസ്കോ ആർട്‌സ് ആൻഡ് സയൻസ് കോളജിൽ. അത്യാധുനിക സൗകര്യങ്ങളോടെ നിർമിച്ച ഓഡിറ്റോറിയത്തിന്‍റെ വെഞ്ചരിപ്പ് കർമം ഇന്ന് സലേഷ്യൻ സഭ ബംഗളൂരു പ്രൊവിൻസ് പ്രൊവിൻഷ്യൽ ഫാ. ജോസ് കോയിക്കൽ എസ്ഡിബി നടത്തും. കണ്ണൂർ സർവ്വകലാശാല വൈസ് ചാൻസലർ പ്രഫ.ഗോപിനാഥ്‌ രവീന്ദ്രൻ ഉദ്ഘാടനം നിർവഹിക്കും.
അഞ്ചര കോടി രൂപ ചെലവിൽ ആയിരം പേർക്ക് ഇരിക്കാവുന്ന രീതിയിൽ ടു ടയർ ബാൽക്കണിയോട് കൂടി 15,000 ചതുരശ്ര അടിയിലാണ് ഓഡിറ്റോറിയം നിർമിച്ചിരിക്കുന്നത്. മുഴുവൻ എയർ കണ്ടീഷൻ ചെയ്തിരിക്കുന്ന ഓഡിറ്റോറിയത്തിൽ 432 ചതുരശ്ര അടിയിൽ നിർമിച്ചിരിക്കുന്ന സ്റ്റേജിന് പുറമേ ബിഎൻസി ഇറ്റാലിയൻ സ്പീക്കർ, ഡിജിറ്റലി കണ്ട്രോൾഡ് ലൈറ്റ് ആൻഡ് സൗണ്ട് എന്നിവ ഉപയോഗിച്ചിട്ടുണ്ട്. 2015 ൽ ആരംഭിച്ച നിർമാണ പ്രവൃത്തിക്ക് കോവിഡ് തടസം സൃഷ്ടിച്ചിരുന്നു. നിർമാണത്തിന്‍റെ ആദ്യഘട്ടത്തിൽ കോളജ് ചാപ്പലും തുടർന്ന് ഓഡിറ്റോറിയവുമാണ് പൂർത്തികരിച്ചിരിക്കുന്നത്. ബംഗളൂരു ആസ്ഥാനമായി പ്രവർത്തിക്കുന്ന ജിന എൻജിനീയറിംഗ് ആണ് നിർമാണം നടത്തിയത്.
ഡോൺ ബോസ്കോ കോളജിന് പുതിയ ഓഡിറ്റോറിയം
