കണ്ണൂർ: സംസ്ഥാന സാക്ഷരതാ മിഷനും പൊതു വിദ്യാഭ്യാസ വകുപ്പും നടത്തുന്ന തുല്യതാ കോഴ്സ് പൂർത്തീകരിച്ച ഇരിട്ടി ബ്ലോക്ക് പഞ്ചായത്ത് പരിധിയിലെ പഠിതാക്കൾ ചാവശേരി ഹയർ സെക്കൻഡറി സ്കൂളിൽ പരീക്ഷ എഴുതി. ഒന്നാം വർഷം 30 പേരും രണ്ടാം വർഷം 47 പേരുമാണ് പരീക്ഷ എഴുതിയത്. ഇരിട്ടി ബ്ലോക്ക് പഞ്ചായത്ത് വൈസ് പ്രസിഡന്റ് നജിദ സാദിഖ്, ആറളം പഞ്ചായത്ത് വൈസ് പ്രസിഡന്റ് കെ.ജെ. ജെസി മോൾ, ഇരിട്ടി നഗരസഭ കൗൺസിലർ അബ്ദുൾ ഖാദർ, തില്ലങ്കേരി പഞ്ചായത്ത് വാർഡ് അംഗം രമണി മിന്നി എന്നിവർ പരീക്ഷ എഴുതിയവരിൽപ്പെടുന്നു.
തില്ലങ്കേരി പഞ്ചായത്തിലെ ദമ്പതികളായ പ്രേമൻ പടുവിലാൻ, ബീന എന്നിവർ പത്താംതരം തുല്യത പരീക്ഷ എഴുതി വിജയിച്ചതിന് ശേഷം ഹയർ സെക്കൻഡറി പഠനവും പൂർത്തീകരിച്ചാണ് പരീക്ഷ എഴുതുന്നത്.
previous post