മുംബൈ: വ്യാപാര ആഴ്ചയുടെ അവസാന ദിനത്തില്‍ ഓഹരി സൂചികകളില്‍ നേരിയ നേട്ടത്തോടെ തുടക്കം. യുഎസ് സൂചികകള്‍ ഉള്‍പ്പടെയുള്ളവ കഴിഞ്ഞ ദിവസം നഷ്ടത്തിലായിരുന്നു വ്യാപാരം അവസാനിപ്പിച്ചത്.
സെന്‍സെക്‌സ് 50 പോയന്റ് ഉയര്‍ന്ന് 60,348.21ലും നിഫ്റ്റി 10 പോയന്റ് നേട്ടത്തില്‍ 17,967ലുമാണ് വ്യാപാരം ആരംഭിച്ചത്.
ഐഷര്‍ മോട്ടോഴ്‌സ്, ഒഎന്‍ജിസി, ടെക് മഹീന്ദ്ര, എച്ച്ഡിഎഫ്‌സി ലൈഫ് തുടങ്ങിയ ഓഹരികളാണ് പ്രധാനമായും നേട്ടത്തില്‍. ബിപിസിഎല്‍, പവര്‍ഗ്രിഡ് കോര്‍പ്, കോള്‍ ഇന്ത്യ, ഇന്‍ഡസിന്‍ഡ് ബാങ്ക്, റിലയന്‍സ് ഇന്‍ഡസ്ട്രീസ് തുടങ്ങിയ ഓഹരികള്‍ നഷ്ടത്തിലുമാണ്.
സെക്ടറല്‍ സൂചികകളില്‍ നിഫ്റ്റി മീഡിയ, ഫാര്‍മ തുടങ്ങിയവ നേട്ടത്തിലും റിയാല്‍റ്റി, ബാങ്ക്, എഫ്എംസിജി എന്നിവ നഷ്ടത്തിലുമാണ്. മിഡ്ക്യാപ്, സ്‌മോള്‍ ക്യാപ് സൂചികകളിലാകട്ടെ നേട്ടത്തിലാണ് വ്യാപാരം നടക്കുന്നത്.