ഓണം സ്പെഷൽ ഡ്രൈവിനോടനുബന്ധിച്ച് വ്യാജ മദ്യത്തിന്റെ ഉത്പാദനവും വിപണനവും തടയുന്നതിന് എക്സൈസിന്റെയും പൊലീസിന്റെയും നേതൃത്വത്തിൽ പരിശോധന ശക്തമാക്കി. കേരള- കർണാടക അതിർത്തിയായ കൂട്ടുപുഴ, ആറളം ഫാമിന്റെ വിവിധ ഭാഗങ്ങൾ, വനമേഖലയോട് ചേർന്നുകിടക്കുന്ന പ്രദേശങ്ങൾ എന്നിവിടങ്ങളിലാണ് പരിശോധന. ഇരിട്ടി എക്സൈസ് റേഞ്ചിന്റെ നേതൃത്വത്തിൽ ആറളം ഫാമിൽ നടത്തിയ പരിശോധനയിൽ 50 ലിറ്റർ വാഷ് പിടികൂടി നശിപ്പിച്ചു.