പേരാവൂർ : ഉരുൾപൊട്ടി നാശനഷ്ടങ്ങൾ സംഭവിച്ച കോളയാട്, കണിച്ചാർ എന്നീ പഞ്ചായത്തിലെ ഗോത്ര ജനതയെ സഹായിക്കാൻ കേന്ദ്ര ഗവൺമെന്റ് പ്രത്യേക പാക്കേജ് അനുവദിക്കണമെന്നും ,പ്രദേശത്തെ കരിങ്കൽ ക്വാറികൾ നിർത്തലാക്കണമെന്നും കണ്ണൂർ ജില്ലാ കുറിച്ച്യ മുന്നേറ്റ സമിതി ചെക്കേരി കമ്മ്യൂണിറ്റി ഹാളിൽ ചേർന്ന ജനറൽ ബോഡി യോഗം ആവശ്യപ്പെട്ടു .
പ്രകൃതി ദുരന്തം ഉണ്ടാവുന്നിടങ്ങളിൽ ഗോത്ര ജനതയെ സഹായിക്കാൻ ഗോത്ര യുവാക്കളെ സജ്ജരാക്കുമെന്നും യോഗം തീരുമാനിച്ചു.
മോഹനൻ വള്ളിയാടാൻ അധ്യക്ഷത വഹിച്ചു. സി. പി രാഘവൻ,സി. പി. സുബിൻ, പ്രകാശൻ മാസ്റ്റർ, ബിജു വിജേഷ് ,സജീവൻ തുടങ്ങിയവർ സംസാരിച്ചു.