കണ്ണൂര്: കാലവര്ഷക്കെടുതിയില് സമാനതകളില്ലാത്ത നഷ്ടങ്ങള് നേരിട്ട് ജില്ലയിലെ കര്ഷകര്ക്ക് അടിയന്തിരമായി ധനസഹായം നല്കണമെന്ന് ഡിസിസി ഓഫീസില് ചേര്ന്ന കോണ്ഗ്രസ് ബ്ലോക്ക്, മണ്ഡലം പ്രസിഡന്റുമാരുടെ സംയുക്തയോഗം ആവശ്യപ്പെട്ടു. മലയോരമേഖലയിലെ കാട്ടാനശല്യം തടയാന് ആനമതില് നിര്മിക്കുന്നതടക്കമുള്ള ശാശ്വതപരിഹാരം കാണണമെന്നും യോഗം ആവശ്യപ്പെട്ടു. ശ്രീകണ്ഠപുരം നഗരസഭയില് ഒരു റോഡിന്റെ നാമകരണവുമായി ബന്ധപ്പെട്ട് പ്രദേശത്തെ ജനങ്ങള് കൂട്ടായെടുത്ത തീരുമാനത്തെ സിപിഎം ക്രിമിനലുകളെ ഉപയോഗിച്ച് അട്ടിമറിക്കാൻ ശ്രമിച്ചെന്നും യോഗം ആരോപിച്ചു.
തദ്ദേശസ്ഥാപനങ്ങളുടെ അധികാരത്തില് കൈ കടത്തുന്നതും വെല്ലുവിളി ഉയര്ത്തുന്നതും ജനാധിപത്യത്തിന്റെ അന്ത:സത്തയ്ക്ക് നിരക്കാത്തതാണെന്ന് യോഗം കുറ്റപ്പെടുത്തി. ഡിസിസി പ്രസിഡന്റ് മാര്ട്ടിന് ജോര്ജ് അധ്യക്ഷത വഹിച്ചു. കെ.പി സി സി ജനറൽ സെക്രട്ടറി സോണി സെബാസ്റ്റ്യൻ, വി.എ. നാരായണൻ, സജീവ് മാറോളി, പി.ടി. മാത്യു, ചന്ദ്രൻ തില്ലങ്കേരി, എം.നാരായണൻകുട്ടി വി. രാധാകൃഷ്ണൻ , കെ.പ്രമോദ്, കെ.സി മുഹമ്മദ് ഫൈസൽ, എൻ.പി. ശ്രീധരൻ, മുഹമ്മദ് ബ്ലാത്തൂർ, വി.വി. പുരുഷോത്തമൻ, സിടി സജിത്ത് എന്നിവർ പ്രസംഗിച്ചു.