റെയിൽവെയിൽ ജോലി വാഗ്ദാനം നൽകി യുവതികളിൽ നിന്ന് പണം തട്ടിയെടുത്ത ജീവനക്കാരിയായി ആൾമാറാട്ട കേസിൽ അറസ്റ്റിലായ ബിൻഷക്കെതിരെ വീണ്ടും കേസ്. മുഴക്കുന്ന് കാക്കയങ്ങാട് സ്വദേശിനിയായ കെ. സന്ധ്യ (34), കോട്ടയം പൊയിൽ പൂള ബസാറിലെ കെ. വർഷ എന്നിവരുടെ പരാതിയിലാണ് ടൗൺ പോലീസ് കേസെടുത്തത്. 2013 – 14 കാലഘട്ടത്തിൽ കണ്ണൂരിലെ സ്പോർട്ട് സ് കൗൺസിൽ ഹോസ്റ്റലിൽ ജോലി ചെയ്യുന്നതിനിടെ പരിചയപ്പെട്ട ബിൻഷ റെയിൽ വെയിൽ ജോലി വാഗ്ദാനം നൽകി 20, 000 രൂപ വാങ്ങിച്ച് വഞ്ചിച്ചുവെന്നാണ് കെ. സന്ധ്യ പോലീസിൽ നൽകിയ പരാതിയിൽ പറയുന്നത്. 2022 മാർച്ച് മാസം റെയിൽ വെയിൽ ജോലി വാഗ്ദാനം നൽകി പരാതിക്കാരിയായ കെ. വർഷയിൽ നിന്ന് 23, 250 രൂപ കൈപറ്റിയ ശേഷം ജോലിയോ കൊടുത്ത പണമോതിരിച്ചുനൽകാതെ വഞ്ചിച്ചുവെന്നാണ് പരാതി. പോലീസ് കേസെടുത്ത് അന്വേഷണം തുടങ്ങി.
റെയിൽവെയിൽ ജോലി തട്ടിപ്പുകാരിക്കെതിരെ വീണ്ടും കേസ്
