ജനവാസ മേഖലകളെപാരിസ്ഥിതിക ദുർബ്ബല മേഖലകളിൽ നിന്ന് ഒഴിവാക്കുക: ജനവാസ മേഖലകളെ പാരിസ്ഥിതിക ദുർബ്ബല മേഖലകളിൽ നിന്ന് ഒഴിവാക്കി ജനങ്ങളിലുണ്ടായ ആശങ്കകൾ പരിഹരിക്കണമെന്ന് സി ഐ ടി യു കേളകം മേഖല സമ്മേളനം കേന്ദ്ര സർക്കാരിനോടാവശ്യപ്പെട്ടു. കേളകം ഇ.കെ.നായനാർ സ്മാരക ഹാളിൽ നടന്ന സമ്മേളനം സി ഐ ടി യു ഏരിയ പ്രസിഡണ്ട് കെ.ടി.ജോസഫ് ഉദ്ഘാടനം ചെയ്തു. സി.പി.ഷാജി അധ്യക്ഷനായിരുന്നു. കെ.എം.ജോർജ്, കെ.പി.ഷാജി, പി.ജി.സന്തോഷ് എന്നിവർ പ്രസംഗിച്ചു. മേഖലകൺവീനറായി കെ.എം.ജോർജിനെ തെരഞ്ഞെടുത്തു.