പേരാവൂർ: പേരാവൂർ താലൂക്ക് ആശുപത്രിയിലെ ഓക്സിജൻ പ്ലാന്റ് നിർമാണത്തിന്റെ ഭാഗമായുള്ള റോഡ് നിർമാണം ഹൈക്കോടതി ഉത്തരവിനെ തുടർന്ന് നിർത്തിവച്ചു.
റോഡ് നിർമാണം 14 ദിവസത്തേക്ക് നിർത്തിവയ്ക്കണമെന്ന് ആവശ്യപ്പെട്ട് തളയൻകണ്ടി അഹമ്മദ്കുട്ടി, തളയൻകണ്ടി റാബിയ എന്നിവർ ഹൈക്കോടതിയിൽ നല്കിയ ഹർജിയെ തുടർന്നാണ് നടപടി. ഹർജിക്കാരുടെ വസ്തുവിന് മുമ്പിലുള്ള ആശുപത്രി സ്ഥലത്തെ റോഡ് പൊളിക്കുന്നത് നിർത്തിവയ്ക്കണമെന്നായിരുന്നു ആവശ്യപ്പെട്ടാണ് പേരാവൂർ പഞ്ചായത്ത് സെക്രട്ടറി, ബ്ലോക്ക് പഞ്ചായത്ത് സെക്രട്ടറി, ജില്ലാ കളക്ടർ, ആശുപത്രി സൂപ്രണ്ട് എന്നിവരെ എതിർകക്ഷികളാക്കി ഹർജി നല്കിയത്. ഇടക്കാല സ്റ്റേ അനുവദിച്ചതോടെ സ്ഥലത്ത് സ്ഥാപിക്കേണ്ട ഓക്സിജൻ പ്ലാന്റ് നിർമാണം ഇനിയും വൈകും.