ഈ മാസം 11 മുതൽ പ്ലസ് വണ്‍ പ്രവേശനത്തിനായി അപേക്ഷകൾ ഓണ്‍ലൈനായി സമർപ്പിക്കാം.
അപേക്ഷകർക്ക് സ്വന്തമായോ, അല്ലെങ്കിൽ പത്താം ക്ലാസ് പഠിച്ചിരുന്ന ഹൈസ്കൂളിലെ കന്പ്യൂട്ടർ ലാബ് സൗകര്യവും അധ്യാപകരുടെ സഹായവും ഉപയോഗിച്ചോ ആ പ്രദേശത്തെ സർക്കാർ, എയ്ഡഡ് ഹയർസെക്കൻഡറി, വൊക്കേഷണൽ ഹയർ സെക്കൻഡറി സ്കൂളുകളിലെ കന്പ്യൂട്ടർ ലാബ് സൗകര്യവും അധ്യാപകരുടെ സഹായവും പ്രയോജനപ്പെടുത്തത്തിയോ അപേക്ഷകൾ ഓണ്‍ലൈനായി സമർപ്പിക്കാം. അപേക്ഷ സമർപ്പിക്കുവാനുമുള്ള അവസാന തീയതി ജൂലൈ 18.
പ്രധാന തീയതികൾ
►ട്രയൽ അലോട്ട്മെന്റ് : ജൂലൈ 21
►ആദ്യ അലോട്ട്മെന്റ് ജൂലൈ 27
►മുഖ്യഘട്ടത്തിലെ അവസാന അലോട്ട്മെന്റ് ഓഗസ്റ്റ് 11
►പ്ലസ് വണ്‍ ക്ലാസുകൾ ആരംഭിക്കുന്നത്: ഓഗസറ്റ് 17
►പ്രവേശന നടപടികൾ അവസാനിപ്പിക്കുന്നത്: സെപ്റ്റംബർ 30
ഇത്തവണത്തെ പ്രധാന മാറ്റങ്ങൾ
►നീന്തൽ അറിവിനു നൽകി വന്നിരുന്ന രണ്ട് ബോണസ് പോയിന്റ് ഒഴിവാക്കി.
►ഓരോ വിദ്യാർഥിയുടെയും വെയിറ്റേജിഡ് ഗ്രേഡ് പോയിന്റ് ആവറേജ് ( ഡബ്ല്യുജിപിഎ) കണക്കാക്കിയാണ് പ്രവേശനത്തിനുള്ള അർഹത നിശ്ചയിക്കുന്നത്.
►ഡബ്ല്യുജിപിഎയിൽ ആദ്യഭാഗം അക്കാദമിക മികവിന്‍റെയും രണ്ടാം ഭാഗം ബോണസ് പോയിന്റിന്റെയും ആണ്.
►മുഖ്യഘട്ടത്തിലെ അലോട്ട്മെന്റുകളുടെ എണ്ണം രണ്ടിൽ നിന്ന് മൂന്നായി വർധിപ്പിച്ചു.
►മുഖ്യഘട്ടം മുതൽ തന്നെ മാർജിനൽ സീറ്റ് വർധനയും താത്കാലിക അധിക ബാച്ചുകളും അനുവദിച്ച് അലോട്ട്മെന്റ് പ്രക്രിയ ആരംഭിക്കും.
►ഒന്നാം വർഷ ഹയർ സെക്കൻഡറി, വൊക്കേഷണൽ ഹയർ സെക്കൻഡറി പ്രവേശനത്തിനുള്ള അപേക്ഷകൾ ww w.admission.dge.kerala.gov.inലൂടെ ഓണ്‍ലൈനായി സമർപ്പിക്കാം.